Период: 16 - 18 октомври 2024 год.

Краен рок за пријавување: 10 септември 2024 год.

Локација: Археолошки локалитет Стоби

Организатор: Национална установа за управување со археолошкиот локалитет Стоби

Националната установа Стоби со задоволство ја најавува работилницата „Конзерваторски материјали – од наука до примена“, која ќе се одржи од 16 до 18 октомври 2024 година. Овој проект е поддржан од Министерството за култура на Р. С. Македонија согласно годишната програма за работа на Националните Установи за 2024 година.

Содржина на работилницата:

Работилницата ќе опфати теми поврзани со технологијата на материјали, нивната идентификација и практични искуства во конзервацијата на керамика и стакло. Низ три дена предавања и практична работа, учесниците ќе имаат можност да се запознаат со хемиските аспекти на материјалите во културното наследство, да добијат увид во керамиката базирана на глина во културното наследство и да ги продлабочат своите знаења за историјатот, оштетувањата и основните методи и техники за конзервација на археолошки предмети од керамика и стакло.

Учесници:

Работилницата е наменета за студенти од 3-та и 4-та година на додипломски студии, како и за постдипломци, докторанти и млади професионалци на почетокот од својата кариера (археолози, историчари на уметност, конзерватори, реставратори, ликовни уметници, технолози и други сродни професии).

Финансиски трошоци:

Организаторот ги покрива сите трошоци за учество на работилницата, вклучувајќи дневни оброци и сместување.

Сертификат:

По успешно завршување на работилницата, учесниците ќе добијат сертификат за учество.

Пријавување:

За пријавување, потребно е да го пополните формуларот на следниот линк: https://forms.gle/Tk4wGKDJUgxePckQ6 

За сите прашања, можете да се обратите на следната е-адреса: rabotilnica.stobi@gmail.com

Лица за контакт: Билјана Јанкуловска Пеева и Ивана Коцевска

Краен рок за пријавување:

10 септември 2024 година

Организаторот го задржува правото да ги промени датумите и распоредот на работилницата поради технички или организациски потреби, со навремено известување за таквите промени.